Madax shirkada DP World ayaa booqasho ku tegey Hargeysa- VIDEO

Madaxa shirkada DP World Sultan Ahmed Bin Sulayem iyo wefti uu hogaaminayo ayaa maanta booqasho lama filaan ah ku tegey Magaalada Berbera iyagoo mudo kooban gudaheedna uga sii gudbay Hargeysa.

Wasiirka Arrimaha Dibada Somaliland iyo Madaxa shirkada DP World.
Wasiirka Arrimaha Dibada Somaliland iyo Madaxa shirkada DP World.

Weftiga ayaa kormeer ku soo sameeyey Dekeda Berbera si ay u soo indho indheeyaan, Maadaama Xukuumada Madaxweyne Siilaanyo dhowaan shirkadaas kula heshiisay inay si gaar ah u maamulaan marsada 30ka sano ee soo socda.

Sultaan ayaa sheegay inuu la dhacsan yahay qaabka ay u socoto shaqada Dekedu isla markaana ay ku faraxsanyihiin inay u soo kuurgalaan xaaladeeda, Si ay u dardargeliyaan hirgelinta heshiiskii horay u dhacay.

Shir jaraa’id ay si wada jir ah u qabteen isaga iyo Wasiirka Qorshaynta ayuu ku sheegay inay khibrad fiican u leeyihiin Afrika taasina ay ka saacidi doonto sidii loo xaqiijin lahaa ka miro dhalinta heshiiskan.

Dhaqaalaha sida xawliga ah u koraya dalka aan dekeda haysan ee Ethiopia ayuu sheegay inuu yahay fursad u baahan in laga faa’iideysto.

“waxanu idinku soo dhawaynayna wada shaqayn rasmiya oo aynu wada yeelano iyo walaalnimo aad ku timaadeen dalkiinii labaad oo ah Somaliland” Ayuu ku yiri weftiga Madaxweyne Siilaanyo sida lagu shaaciyey war qoraal ah oo ka soo baxay Madaxtooyada.

HOOS KA DAAWO SHIRKII JARAA’ID EE WASIIR SACAD IYO SULTAN.

Faaqidaad.

 

Leave a Reply

Your email address will not be published.