Gaas oo garoowe ku laabtay

Madaxweynaha dawladda Puntland Dr. Cabdiweli Maxamed Cali Gaas iyo wafdigii ballaarnaa ee  uu hoggaaminayey ee Puntland uga qayb gelay shirkii Madasha wadatashiga qaran ee dhowaan kusoo xirmay magaalada Muqdisho ayaa maanta 15 September, 2016-ka soo gaarey magaalada Garoowe ee caasimadda dawladda Puntland.


Madaxweynaha iyo wafdigiisa ayaa waxaa garoonka diyaaradaha ee Konoko kusoo  dhoweeyey guddoomiye ku-xigeenka koowaad ee Baarlamaanka Puntland mudane Cabdixamiid Sheekh Cabdisalaam, Wasiirro, Xildhibaano, maamulka Gobol Nugaal, kan degmada Garoowe, saraakiil ka tirsan Madaxtooyada dawladda Puntland iyo dadweyne kale oo aad u tiro badan.

Soo dhoweyn kadib Madaxweynaha iyo wafdigiisa waxaa loo soo gudbiyey qasriga Madaxtooyada dawladda Puntland ee Garoowe, halkaas oo uu Madaxweynuhu kula hadlay qaybaha kala duwan ee warbaahinta isla markaana uga warbixiyey ujeedka safarkiisa uu ugu maqnaa  Muqdisho iyo waxyaabihii uga soo qabsoomay.

Madaxweyne Gaas oo salaamaya dadkii soo dhoweeyey.
Madaxweyne Gaas oo salaamaya dadkii soo dhoweeyey.

Madaxweynuhu waxa uu sheegay in ay magaalada Muqdisho uga qayb galeen shirkii Madasha wadatashiga qaran, kaas oo looga hadlayey dhammaystirka hannaanka doorashooyinka dalka ka qabsoomi doona bilaha soo socda.

Sidoo kale Madaxweynuhu waxa uu xusay in ujeedka ugu weyn ee shirku uu ahaa sidii loo fulin lahaa ama loo hirgelin lahaa qodobadii lagu heshiiyey ee dhabbaha loogu xaadhayey sidii ay dalka uga qabsoomi lahayd doorashooyin ay dadka Soomaaliyeed kuwada qanacsan yihiin.


Ugu dambayn Madaxweynaha dawladda Puntland Dr. Cabdiweli Maxamed Cali Gaas ayaa shirkaasi ku tilmaamay mid guul u ahaa guud ahaan ummadda Soomaaliyeed isla markaana waxa uu rajo wanaagsan ka muujiyey hirgelidda qodobadii kasoo baxay shirkaasi.

Gaas oo warbaahinta la hadlay wuxu sheegay shirkii madasha inuu guul ku soo idlaaday.
Gaas oo warbaahinta la hadlay wuxu sheegay shirkii madasha inuu guul ku soo idlaaday.

Xigasho: Madaxtooyada Puntland.


Fadlan Like saar bogayaga Facebook.

Faaqidaad.

Leave a Reply

Your email address will not be published.